,

နေပြည်တော် မတ် ၁၄

     နေပြည်တော်၊ ရုံးအမှတ် ၄၆၊ ပြည်တွင်းအခွန်များဦးစီးဌာန၊ အစည်းအဝေးခန်းမတွင် ၂၀၁၉ ခုနှစ်၊ မတ်လ ၁၄ ရက်နေ့ နံနက် ၁၀:၀၀ နာရီအချိန်၌ ၂၀၁၉ခုနှစ် ဧပြီလ (၁) ရက်နေ့တွင် စတင်အကျိုးသက်ရောက်မည့် ၂၀၁၈-၂၀၁၉ ခုနှစ်၊ ပြည်ထောင်စု၏အခွန်အကောက်ဥပဒေအရ ရောင်းစျေးတန်ဖိုးသတ်မှတ်ရန်ကိစ္စနှင့်ပတ်သက်၍ အခွန်ထမ်းကြီးများဆိုင်ရာအခွန်ရုံး၊ အလယ်အလတ်အခွန်ထမ်းများဆိုင်ရာအခွန်ရုံး (၁၊၂၊၃)၊ တိုင်းဒေသကြီး/ ပြည်နယ်အခွန်ဦးစီးဌာနမှူးရုံးများနှင့် ပြည်ထောင်စုနယ်မြေအခွန်ဦးစီးဌာနမှူးရုံးတို့မှ အရက်အမျိုးမျိုးထုတ်လုပ်သူ လုပ်ငန်းရှင်များနှင့် ပြည်တွင်းအခွန်များဦးစီးဌာနမှ တာဝန်ရှိသူတို့ တွေ့ဆုံဆွေးနွေးခဲ့ကြကြောင်း သိရှိပါသည်။

  အဆိုပါဆွေးနွေးပွဲသို့ ပြည်တွင်းအခွန်များဦးစီးဌာနမှ ဒုတိယညွှန်ကြားရေးမှူးချုပ်(အခွန်မူဝါဒ) ဦးဇေယျကြည်ညွန့်၊ ဒုတိယညွှန်ကြားရေးမှူးချုပ်(အခွန်ကြီးကြပ်) ဦးသန်းဇော်ဝင်း၊ ဌာနခွဲညွန်ကြားရေးမှူးများ၊ အရက်အမျိုးမျိုးထုတ်လုပ်သူလုပ်ငန်းရှင်(၁၁၅) ဦးနှင့် ပြည်တွင်းအခွန်များဦးစီးဌာနမှ တာဝန်ရှိသူများ တက်ရောက်ခဲ့ကြကြောင်း သိရှိရပါသည်။