ထားဝယ်မြို့ စက်တင်ဘာလ ၁၇

     ၂၀၁၇−၂၀၁၈ စည်းကြပ်နှစ်အတွက် အခွန်အများဆုံးထမ်းဆောင်ခဲ့ကြသော အခွန်ထမ်းများအား ဂုဏ်ပြုမှတ်တမ်းလွှာပေးအပ်ခြင်းနှင့် အခွန်ဆိုင်ရာရှင်းလင်းပွဲအခမ်းအနားကို တနင်္သာရီတိုင်းဒေသကြီး၊ ထားဝယ်မြို့၊ Diamond Crown Hotel ခန်းမ၌ ၂၀၁၈ခုနှစ် ၊ စက်တင်ဘာလ ၇ ရက်နေ့ နံနက် ၁၀:၀၀ အချိန်တွင် ကျင်းပပြုလုပ်ခဲ့ရာ တနင်္သာရီတိုင်းဒေသကြီး စီမံကိန်းနှင့်ဘဏ္ဍာရေးဝန်ကြီး ဦးဖြိုးဝင်းထွန်းမှ အဖွင့်အမှာစကားပြောကြားပြီး ၂၀၁၇−၂၀၁၈ စည်းကြပ်နှစ်အတွက် ဝင်ငွေခွန်အများဆုံးထမ်းဆောင်ခဲ့ကြသော အခွန်ထမ်း (၂၅) ဦးအား ဂုဏ်ပြုမှတ်တမ်းလွှာများ ပေးအပ်ကာ တနင်္သာရီတိုင်းဒေသကြီးအခွန်ဦးစီးဌာနမှူး ဦးကျော်ရဲထွန်းမှ ၂၀၁၇−၂၀၁၈ စည်းကြပ်နှစ်အတွက် ကုန်သွယ်လုပ်ငန်းခွန် အများဆုံးထမ်းဆောင်ခဲ့ကြသော အခွန်ထမ်း (၂၅) ဦးအား ဂုဏ်ပြုမှတ်တမ်းလွှာများပေးအပ်ခဲ့ပါသည်။

     အဆိုပါ အခမ်းအနားတွင် တနင်္သာရီတိုင်းဒေသကြီးအခွန်ဦးစီးဌာနမှူးက စီမံဘဏ္ဍာဆိုင်ရာကိစ္စရပ်များ၊ အခွန်ဆိုင်ရာကိစ္စရပ်များနှင့် ရင်းနှီးမြှုပ်နှံမှုဆိုင်ရာကိစ္စရပ်များအား ရှင်းလင်းဆွေးနွေးခဲ့ပြီး အခွန်ထမ်းပြည်သူ (၂၅၀) ဦးတက်ရောက်ခဲ့ကြကြောင်း သိရှိရပါသည်။