, ,

ရန်ကုန် မေ  ၃

  စီမံကိန်းနှင့်ဘဏ္ဍာရေးဝန်ကြီးဌာန၊ ပြည်ထောင်စုဝန်ကြီးဦးစိုးဝင်းသည် ပြည်တွင်းအခွန်များဦးစီးဌာန၊ ညွှန်ကြားရေးမှူးချုပ်နှင့် တာဝန်ရှိသူများလိုက်ပါလျက် ၂၀၁၉ ခုနှစ် မေလ ၃ ရက်နေ့ နံနက် ၁၀:၀၀ နာရီအချိန်တွင် ရန်ကုန်မြို့ရှိ ပြည်တွင်းအခွန်များဦးစီးဌာန အလယ်အလတ်အခွန်ထမ်းများဆိုင်ရာအခွန်ရုံး(၄)သို့ ရောက်ရှိကြည့်ရှု စစ်ဆေးခဲ့ပါသည်။

 ပြည်ထောင်စုဝန်ကြီးက အလယ်အလတ်အခွန်ထမ်းများဆိုင်ရာအခွန်ရုံး(၄)ရှိ အရာထမ်းများနှင့်တွေ့ဆုံ၍ နိုင်ငံတော်၏ ဝင်ငွေရရှိရေးအတွက် အခွန်ကောက်ခံပေးသည့်ဌာနဖြစ်သဖြင့် ရိုးသားဖြောင့်မတ်မှုရှိရန် လိုအပ်ကြောင်း၊ ဝန်ထမ်းများ၏ဆောင်ရွက်မှုကို Key Performance Indicators များဖြင့် ထားရှိဆောင်ရွက်ရန် လိုအပ်ကြောင်း၊ လုပ်ငန်းတာဝန်ထမ်းဆောင်ရာတွင် တက်တက်ကြွကြွနှင့် စိတ်ဝင်စားမှုရှိရန် လိုအပ်ကြောင်း၊  အဂတိတရား (၄) ပါး ကိုရှောင်ကြဉ်၍ စေတနာထားဆောင်ရွက်ကြစေလိုကြောင်းနှင့် အခွန်ထမ်းပြည်သူများကို မေတ္တာထားဆက်ဆံ၍ လုပ်ငန်းများ လွယ်ကူအဆင်ပြေချောမွေ့အောင် ဆောင်ရွက်ပေးကြရန်တို့ကို လမ်းညွှန်မှာကြားခဲ့ကြောင်း သိရှိရပါသည်။