၂၀၀၈ ခုနှစ် ပြည်ထောင်စုသမ္မတမြန်မာနိုင်ငံတော် ဖွဲ့စည်းပုံ အခြေခံဥပဒေပုဒ်မ ၃၈၉ အရ နိုင်ငံသားတိုင်းသည် ဥပဒေအရ ပေးဆောင်ရမည့် အခွန်အကောက်များကို ပေးဆောင်ရန် တာဝန်ရှိသည်၊၊                          'ကမ္ဘာပေါ်တွင် မည်သည့်အစိုးရမျှ ငွေမရှိဘဲ တိုင်းပြည်အုပ်ချုပ်ရေးတာဝန်ကို ဆောင်ရွက်မသွား နိုင်ချေ။ ထို့ကြောင့် ကိုယ့်အစိုးရအား ကျသင့်သော အခွန်ဘဏ္ဍာငွေများကို ကြည်သာပျူငှာစွာ ပေးဆောင် ခြင်းသည်ပင် လွတ်လပ်သော လူမျိုးအဖြစ်ကို ထင်ရှားစေသော မှတ်ကျောက်ဖြစ်ပေသည်'ဟု ဗိုလ်ချုပ်အောင်ဆန်းမှ အခွန်အကောက်နှင့်ပတ်သက်၍ ၂၁-၃-၁၉၄၇ နေ့တွင် မိန့်ကြားခဲ့သည်။                           နိုင်ငံတာဝန်ကျေပွန်ဖို့ရေး ကျသင့်အခွန်မှန်မှန်ပေး     ၊၊     အခွန်ဆောင်ထားနိုင်ငံသား လေးစားသမှုတို့ဂုဏ်ပြု     ၊၊     နိုင်ငံကြီးသားပီသစွာ အခွန်ထမ်းဆောင်တာ စားသုံးပြီးက၊ ပြေစာဖြတ် အခွန်ပါပြီးမှတ် ၊၊
အခွန်ထမ်းကြီးများဆိုင်ရာအခွန်ရုံးနှင့်သက်ဆိုင်သည့် သတင်းအချက်အလက်များ

အခွန်ထမ်းကြီးများဆိုင်ရာအခွန်ရုံးတွင် ၁-၁-၂၀၁၅ ရက်နေ့မှစတင်၍အခွန်ထမ်းကြီးများအနေ ဖြင့် အခွန်ဆိုင်ရာကြေညာလွှာများကို တင်သွင်းကြရမည်ဖြစ်ပါသည်။ အခွန်ထမ်းကြီးများဆိုင်ရာအခွန်ရုံးတွင်၁-၁-၂၀၁၅ ရက်နေ့မှစတင်၍အခွန်ထမ်းကြီးများအနေ ဖြင့် ကြိုတင်ခွန်များ ပေးသွင်းရမည်ဖြစ်ပါသည်။ ထိုသို့ပေးသွင်းနိုင်ရန်ပန်းဆိုးတန်းလမ်း၊ အောက်ဘလောက်ရှိမြန်မာ့စီးပွားရေးဘဏ်(ဘဏ်ခွဲ-၂)တွင်ငွေထုတ်စာရင်းအမှတ်MD-010134 ဖြင့်ဖွင့် လှစ်ထားရှိပြီး အခွန်ထမ်းကြီးများလွယ်ကူစွာငွေသွင်းနိုင်ရန်အတွက် ဘဏ်တွင် ဦးစီးအရာရှိတစ်ဦး ဦးစီးအဖွဲ့ဖြင့် “LTO ငွေသွင်းကောင်တာ” သီးသန့်ထားရှိ၍ ဝန်ဆောင်မှု ပေးမည်ဖြစ်ပါသည်။

More Detail
လစာဝင်ငွေခွန်ပေးဆောင်ကြရန် အသိပေးနှိုးဆော်ခြင်း

လစာဝင်ငွေခွန်ပေးဆောင်ကြရန် အသိပေးနှိုးဆော်ခြင်းဝင်ငွေခွန်ဥပဒေတွင် “လစာ၊ လုပ်ခ၊ နှစ်စဉ်ကြေး၊ ပင်စင်၊ ဂရုဏာကြေးနှင့် လစာ/လုပ်ခအစား သို့မဟုတ် ယင်းတို့အပြင် ထပ်ဆောင်းရရှိသည့် အခကြေးငွေ၊ ကော်မရှင်၊ အကျိုးခံစားခွင့်” တို့အတွက် လစာခေါင်းစဉ်ဖြင့် အခွန်ထမ်းဆောင်ရမည်ဖြစ်ကြောင်း သတ်မှတ်ပြဋ္ဌာန်းထားပါသည်။ ထို့အပြင် အထက်ပါ လစာဝင်ငွေခွန်ကို “တစ်ဦးတစ်ယောက်ပိုင် လုပ်ငန်းဖြစ်လျှင် ပိုင်ရှင် ကိုယ်တိုင်ကလည်းကောင်း၊ ပုဂ္ဂိုလ်စုပိုင်ဖြစ်လျှင် ထိုပုဂ္ဂိုလ်စုကလည်းကောင်း၊ အစိုးရ သို့မဟုတ် ဒေသ ဆိုင်ရာ အာဏာပိုင်အဖွဲ့အစည်းဖြစ်လျှင် ငွေထုတ်ပေးရန် တာဝန်ရှိသူ စီမံခန့်ခွဲရေးဝန်ထမ်းကလည်းကောင်း တာဝန်ယူ၍ ကျသင့်အခွန်ကို နုတ်ယူပေးသွင်းရန်” ဖြစ်ကြောင်း သတ်မှတ်ပြဋ္ဌာန်းထားပါသည်။ ယခုအခါ ကုမ္ပဏီလုပ်ငန်း၊ စက်ရုံ၊ အလုပ်ရုံ၊ စာသင်ကျောင်း၊ အသက်မွေးဝမ်းကျောင်းပညာ သင်ကျောင်း အမျိုးမျိုးတို့ရှိသော်လည်း လစာဝင်ငွေခွန်ပေးသွင်းမှု အားနည်းနေကြောင်း စိစစ်တွေ့ရှိ ရပါသည်။ ဝင်ငွေခွန်ဥပဒေတွင် လစာဝင်ငွေခွန် နုတ်ယူပေးသွင်းရမည့် ပုဂ္ဂိုလ်၊ လစာနှစ်ချုပ်တင်သွင်း ရမည့် ပုဂ္ဂိုလ်တို့ကို သတ်မှတ်ဖော်ပြထားသည့်အပြင် ပြစ်မှုနှင့် ပြစ်ဒဏ်များကိုပါ သတ်မှတ်ပြဋ္ဌာန်း ထားသဖြင့် ပျက်ကွက်သူများသည် တည်ဆဲဝင်ငွေခွန်ဥပဒေအရ အပြစ်ရှိလာမည်ဖြစ်ပါသည်။ သို့ဖြစ်ပါ၍ လုပ်ငန်းရှင်များအနေဖြင့် ပြည်တွင်းအခွန်များဦးစီးဌာန၏ www.irdmyanmar.gov.mm တွင် ဖော်ပြထားသော ဇယားပုံစံအား ကူးယူ၍ စုစုပေါင်းဝင်ငွေ ကျပ် ၂၀ သိန်း ကျော်သော ဝန်ထမ်း များ၏ သက်ဆိုင်ရာအချက်အလက်များကို ဖြည့်သွင်းပြီး မိမိရုံးချုပ်တည်ရှိရာ မြို့နယ်အခွန်ဦးစီးဌာနမှူး ရုံးများသို့ အမြန်ဆုံး ဆက်သွယ်ပေးပို့ကြပါရန် အသိပေးနှိုးဆော်အပ်ပါသည်။ ပြည်တွင်းအခွန်များဦးစီးဌာန ရန်ကုန်တိုင်းဒေသကြီး

More Detail
တံဆိပ်ခေါင်းခွန်ထမ်းဆောင်ကြရန်အသိပေးနှိုးဆော်ချက်

တံဆိပ်ခေါင်းခွန်ထမ်းဆောင်ကြရန်အသိပေးနှိုးဆော်ချက် ၁။ မိဘပြည်သူများအနေဖြင့် အစိုးရဌာနများနှင့်လည်းကောင်း ၊ ပုဂ္ဂလိကအချင်းချင်းကြားတွင်လည်း ကောင်း တံဆိပ်ခေါင်းခွန်ထိုက်တန်သည့်စာချုပ်စာတန်းများကိုချုပ်ဆိုရာတွင်စာချုပ်မချုပ်ဆိုမီဖြစ်စေ၊ချုပ်ဆို သည့်အခါ၌ဖြစ်စေတံဆိပ်ခေါင်းခွန်ထမ်းဆောင်ရမည်ဟု မြန်မာနိုင်ငံတံဆိပ်ခေါင်းအပ်ဥပဒေတွင် ပြဌာန်းပါ ရှိပါသည်။ ၂။ တံဆိပ်ခေါင်းခွန်ထိုက်သင့်သည့် စာချုပ်စာတမ်းပေါ်တွင် တံဆိပ်ခေါင်းခွန်ထမ်းဆောင်ခြင်းမရှိလျှင် အဆိုပါစာချုပ်စာတမ်းကို သက်သေခံအဖြစ်လက်ခံခြင်း၊မှတ်ပုံတင်ပေးခြင်း၊ မှန်ကန်ကြောင်းအသိမှတ်ပြု သက်သေခံလက်မှတ်ရေးထိုးပေးခြင်းစသည်တို့ကိုသက်ဆိုင်ရာဌာနတို့ကဆောင်ရွက်ပေးမည်မဟုတ်ပါ။ ၃။ စာချုပ်စာတမ်းတစ်စုံတစ်ရာပေါ်တွင် တံဆိပ်ခေါင်းခွန်ထမ်းဆောင်မထားခြင်း သို့မဟုတ် ထိုက်သင့် သည့်တံဆိပ်ခေါင်းပမာဏ အပြည့်အဝထမ်းဆောင်ထားမှုမရှိခြင်းကိုစိစစ်တွေ့ရှိရလျှင် ထပ်မံထမ်းဆောင်ရမည့် တံဆိပ်ခေါင်းခွန်ပမာဏအပြင်ယင်း၏၁၀ဆနှင့်ညီမျှသောငွေကို ဒဏ်ငွေအဖြစ်ပေးဆောင်ပြီးမှသာ ဥပဒေအရ ဆက်လက်အရေးယူဆောင်ရွက်ပေးမည်ဖြစ်ပါသည်။ ၄။ ထိုက်သင့်သည့်တံဆိပ်ခေါင်းခွန်ကို မည်သူကပေးဆောင်ရမည်၊မည်သည့်စာချုပ်စာတမ်းအမျိုးအစား အတွက်တံဆိပ်ခေါင်းခွန်မည်မျှထမ်းဆောင်ရမည်တို့ကိုပြည်တွင်းအခွန်များဦးစီးဌာန၏အင်တာနက်စာမျက်နှာ www.irdmyanmar.gov.mm တွင်လည်းကောင်း၊မြို့နယ်အခွန်ဦးစီးဌာနမှူးရုံးအသီးသီးတွင် လည်းကောင်း မေးမြန်းစုံစမ်းနိုင်ပါသည်။ ၅။ သို့ဖြစ်ပါ၍ မိမိတို့၏ စာချုပ်စာတမ်းများကို ဥပဒေနှင့်အညီ သက်သေခိုင်မာစေရေးအတွက် စာချုပ်စာတမ်းများအပေါ်တွင် ထိုက်သင့်သည့် တံဆိပ်ခေါင်းခွန် အပြည့်အဝထမ်းဆောင်စေရေး အလေးထား လိုက်နာဆောင်ရွက်ကြပါရန်အသိပေးနှိုးဆော်အပ်ပါသည်။ ပြည်တွင်းအခွန်များဦးစီးဌာန

More Detail
၂၀၁၅-၂၀၁၆ စည်းကြပ်နှစ်အတွင်း ဝင်ငွေခွန် ၊ ကုန်သွယ်လုပ်ငန်းခွန် အများဆုံးထမ်းဆောင်ခဲ့သည့် မြန်မာကုမ္ပဏီ ၊ နိုင်ငံခြားကုမ္ပဏီ ၊ လုပ်ငန်းရှင်များစာရင်းကြေညာခြင်း

၂၀၁၅-၂၀၁၆ စည်းကြပ်နှစ်တွင် ဝင်ငွေခွန် ၊ ကုန်သွယ်လုပ်ငန်းခွန် အများဆုံးထမ်းဆောင်ခဲ့သည့် မြန်မာကုမ္ပဏီ ၊ နိုင်ငံခြားကုမ္ပဏီ ၊ လုပ်ငန်းရှင်များစာရင်းကို download page ၏ Journal Subpage တွင် ဝင်ရောက် download ရယူကြည့်ရှုနိုင်ပါသည်။

More Detail
၁၈-၁-၂၀၁၇ အထိ အခွန်ဆောင်ရန်ကျန်ရှိသော Car Company များစာရင်းကြေညာခြင်း

၁၈-၁-၂၀၁၇ အထိ အခွန်ဆောင်ရန်ကျန်ရှိသော Car Company များစာရင်းကို Download Page ၏ Journal Subpage တွင် ဝင်ရောက် Download ရယူကြည့်ရှုနိုင်ပါသည်။

More Detail
ရန်ကုန်တိုင်းဒေသကြီး အခွန်ဦးစီးဌာနမှူးရုံး၏(၁-၄-၂၀၁၆) မှ (၃၁-၁၂-၂၀၁၆) အထိ စစ်ဆေးရာတွင် လိုက်နာမှုမရှိသော စားသောက်ဆိုင်များစာရင်း

ရန်ကုန်တိုင်းဒေသကြီး အခွန်ဦးစီးဌာနမှူးရုံး၏(၁-၄-၂၀၁၆) မှ (၃၁-၁၂-၂၀၁၆) အထိ စစ်ဆေးရာတွင် လိုက်နာမှုမရှိသော စားသောက်ဆိုင်များစာရင်းကို Download Page ၏ Journal Subpage တွင် ဝင်ရောက် Download ရယူကြည့်ရှုနိုင်ပါသည်။

More Detail
ပင်ရင်းမှနုတ်ယူပေးသွင်းသည့် ဝင်ငွေခွန် (Withholding Tax) နှင့်ပတ်သက်၍ ထုတ်ပြန်သည့် အမိန့်ကြော်ငြာစာ အမှတ် (၂/၂၀၁၇)

ပင်ရင်းမှနုတ်ယူပေးသွင်းသည့် ဝင်ငွေခွန် (Withholding Tax) နှင့်ပတ်သက်၍ ထုတ်ပြန်သည့် အမိန့်ကြော်ငြာစာ အမှတ် (၂/၂၀၁၇)ကို Tax Laws and Knowledge Page ၏ Income Tax Regulation Subpage တွင် ဝင်ရောက် Download ရယူကြည့်ရှုနိုင်ပါသည်။

More Detail
အောင်ဘာလေသိန်းဆုဌာနခွဲ၏ သတင်းကြေညာချက်

အောင်ဘာလေသိန်းဆုဌာနခွဲ၏ သတင်းကြေညာချက်ကို Download Page ၏ Lottery Subpage တွင် ဝင်ရောက် Download ရယူကြည့်ရှုနိုင်ပါသည်။

More Detail
eFiling
Online Filing Service

Online Payment


နောက်ဆုံးကြေငြာချက်

ညွှန်ကြားရေးမှူးချုပ်၏ နှုတ်ခွန်းဆက်လွှာ


   ၂၀၀၁၅-၂၀၁၆ ဘဏ္ဍာရေးနှစ်တွင် မိမိတို့ဌာနအနေဖြင့် ဖွဲ့စည်းပုံနှင့် အခွန်ဆိုင်ရာစီမံခန့်ခွဲမှု ပုံစံတို့ကို အပြောင်းအလဲများပြုလုပ်ခဲ့ပါသည်။ သို့ရာတွင် အခွန်အရပ်ရပ်ကောက်ခံရန် လျာထားချက်ကို ပြည့်မီ ကျော်လွန်စွာ ကောက်ခံရရှိနိုင်ခဲ့ပါသည်။ မိမိတို့ ဌာနအနေဖြင့် နိုင်ငံတကာ ကျင့်စဉ်ကောင်းများကို ကျင့်သုံးလျက်ရှိသလို အခြားအခွန်ဌာနများ၏ အတွေ့အကြုံကောင်းများကိုလည်း လေ့လာသင်ယူ လျက်ရှိပါသည်။ မိမိအနေဖြင့် ပြည်တွင်းအခွန်များဦးစီးဌာနမှ ဝန်ထမ်းများနှင့် အခွန်ဥပဒေကို လေးစားလိုက်နာကြပြီး ထိုက်သင့်သည့် အခွန်ငွေများကို ပေးသွင်းခဲ့ကြသည့် အခွန်ထမ်းပြည်သူများကို အထူးပင်ကျေးဇူးတင်ရှိပါကြောင်း ဖော်ပြအပ်ပါသည်။



                                                                              

                                                                              


                                                                                                                                               
                                                                                                                                                

Quick Download

Lottery Winning Prize

Advance Tax Invoice

Download Myanmar3

Visitor

102222
Visitor(s)
18
Online